Ադրբեջանցիները հայ ռազմագերուն ցած են գցել մեքենայից, որպեսզի գյուղի բնակիչները ծեծելով իրենց ատելությունը հայերի հանդեպ արտահայտեն
Իրավապաշտպան Սիրանուշ Սահակյանը Արման Թաթոյանի հետ համատեղ հրավիրած մամուլի ասուլիսում անդրադարձավ Բաքվում ապօրինի պահվող հայ ռազմագերիներին և մի սարսափելի դեպքի մասին բարձրաձայնեց: Սահակյանի խոսքով` ադրբեջանցիները հայ ռազմագերուն ադրբեջանական գյուղի միջով տեղափոխելու ժամանակ մեքենան կանգնեցրել են, հայ ռազմագերուն մեքենայից ցած են գցել , որպեսզի գյուղի բնակիչներն իրենց ատելությունը հայերի հանդեպ արտահայտեն, ծեծի ենթարկել հայ ռազմագերուն: Սահակյանի խոսքով` ադրբեջանցիները նաեւ բուժօգնություն չեն տրամադրում, այլ բուժօգնության իմիտացիա են անում, բեմականացնում են, նկարահանում:
Սահակյանը նաեւ ասաց, որ արձանագրել են ռազմագերիների նաև ցուցադրական սպանություններ, երբ գերիներին սպանել են ու դիակները փոխանցել հայկական կողմին:
