Ադրբեջանը պնդում է «Վագիֆ Խաչատրյանին քրեական պատասխանատվության ենթարկելը համապատասխանում է միջազգային իրավունքի նորմերին»
Վագիֆ Խաչատրյանին, որը կալանավորվել է Մեշալիի դեպքերի հետ կապված, քրեական պատասխանատվության ենթարկելը համապատասխանում է միջազգային եւ ազգային իրավունքների նորմերին։Ինչպես տեղեկացրել է APA-ն, այս մասին հայտարարել է գլխավոր դատախազության վարչության պետ Մահիր Աբասովը։
Մահիր Աբասովը հայտարարել է, որ «44-օրյա Հայրենական պատերազմից հետո տեղի են ունեցել մի շարք իրադարձություններ պատմական եւ իրավաբանական տեսանկյուններից։ Ադրբեջանի Հանրապետության քրեական դատավարությունում մեր քաղաքացիների, խաղաղության եւ մարդկայնության դեմ հանցագործություններ, ռազմական հանցագործություններ կատարած անձինք ենթարկվել են քրեական պատասխանատվության եւ նրանց համար կայացվել են դատավճիռներ, որոնք օրինական ուժի մեջ են մտել»։
Նշելով, որ Վագիֆ Խաչատրյանին քրեական պատասխանատվության ենթարկելը համապատասխանում է միջազգային եւ ազգային իրավունքի նորմերին, Մահիր Աբասովը ընդգծել է, որ այդ պրակտիկան գոյություն ունի Ադրբեջանի Հանրապետության քրեական դատավարությունում։
Նշվել է նաեւ, որ գործող քրեական օրենսդրության համապատասխան՝ քրեական պատասխանատվության ենթարկելու համար վաղեմության ժամկետը խաղաղության եւ մարդկայնության դեմ կատարված հանցագործությունների եւ ռազմական հանցագործությունների վրա չի տարածվում։
