Գիշերը հակաօդային պաշտպանության համակարգերը ոչնչացրել են Մոսկվա թռչող անօդաչու սարք, սահմանափակվել են թռիչքները դեպի Մոսկվայի օդանավակայաններ
Առավոտյան թռիչքների սահմանափակումներ էին գործում Վնուկովո, Դոմոդեդովո, Շերեմետևո և Ժուկովսկի օդանավակայաններում, այժմ օդանավակայններն աշխատում են բնականոն ռեժիմով, հայտնել է Օդային տրանսպորտի դաշնային գործակալությունը։Ինչպես հայտնել է մայրաքաղաքի քաղաքապետ Սերգեյ Սոբյանինը, գիշերը հակաօդային պաշտպանության համակարգերը ոչնչացրել են Մոսկվա թռչող անօդաչու թռչող սարք։
«Այսօր՝ 2023 թվականի օգոստոսի 18-ի առավոտյան, քաղաքացիական ինքնաթիռների թռիչքների անվտանգությունն ապահովելու նպատակով, ժամանակավորապես սահմանափակվել են թռիչքները դեպի Մոսկվայի օդանավակայաններ՝ Վնուկովո, Դոմոդեդովո և Շերեմետևո», - ասվում է Օդային տրանսպորտի դաշնային գործակալության հայտարարության մեջ։ Սահմանափակումները վերացվել են առավոտյան ժամը 04.30-ին, նշել են գործակալությունը։
«Ներկայումս «Վնուկովո», «Դոմոդեդովո», «Շերեմետևո» և «Ժուկովսկի» օդանավակայաններն աշխատում են բնականոն հունով»,- հավելել են գերատեսչությունում։
Նշվում է, որ սահմանափակումների պատճառով յոթ չվերթ վերահղվել է այլընտրանքային օդանավակայաններ՝ երեքը՝ Ստրիգինո օդանավակայան (Նիժնի Նովգորոդ), երեքը՝ Պուլկովո (Սանկտ Պետերբուրգ) և մեկ չվերթ Ստամբուլից վայրէջք է կատարել Մինսկում։
«Օդային տարածքի օգտագործման սահմանափակումների վերացումից հետո այդ չվերթերի ուղևորները հասցվել են իրենց նշանակման օդանավակայաններ»,- հայտնել են Օդային տրանսպորտի դաշնային գործակալությունը։
