Երեւանի հյուրանոցներից մեկում հայտնաբերվել է ՀՀ-ի եւ Ֆրանսիայի 21-ամյա քաղաքացու դի
Երեւանի Սեբաստիա փողոցում գործող հյուրանոցներից մեկում հայտնաբերվել է տղամարդու դի։ Տեղեկությունը հայտնում է shamshyan.com-ը:«Ոստիկաններն ու քննիչները շոգեբաղնիքում հայտնաբերել են Հայաստանի և Ֆրանսիայի հանրապետությունների քաղաքացի 21-ամյա Վաչիկ Վ.-ի դին։ Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել»,– գրում է կայքը։
Ոստիկանությունում ահազանգը ստացվել է օգոստոսի 23-ին ժամը 00։40-ի սահմաններում։
Մահացածը Գեղարքունիքի մարզի բնակիչ էր, եւ շոգեբաղնիքում նա եղել է իր ընկերների հետ։ Ըստ տեղեկությունների` երիտասարդի ինքնազգացողությունը վատացել է, ու մինչ շտապօգնության բժիշկների ժամանումը նա մահացել է։
