Մասնագետները հորդորում են ամեն օր նեխուր ուտել
Շատ մարդիկ նեխուր են ուտում, երբ փորձում են նիհարել։ Իրականում, դրա օգուտներն ավելի էական են, քանի որ այս բուսամթերքը բազմաթիվ արժեքավոր սննդանյութերի՝ հանքանյութերի, թթուների, հակաօքսիդանտների աղբյուր է, գրում է «МедикФорум»-ը։«Նեխուրը կալցիումի, մագնեզիումի, երկաթի, կալիումի, ցինկի աղբյուր է։ Նաեւ բույսը հարուստ է սելինինով, լիմոնենով, օքսալաթթվով, ֆլավոնոիդներով, ֆուրանոկումարիններով»,- ասում է սպորտային բժիշկ Ալեքսանդրա Պուրիգան։
Մասնագետի կարծիքով՝ սննդի մեջ նեխուրի օգտագործումը օգնում է կմախքը լավ վիճակում պահել։ Նրա սերմերի մեկ ճաշի գդալը կարող է ապահովել ոսկորներն ամրացնող կալցիումի օրական նորմայի մինչեւ 12 տոկոսը: Արմատապտուղը՝ մինչեւ 10 տոկոսը: Բացի այդ, նեխուրը պարունակում է նաեւ վիտամին K, որն օգնում է օրգանիզմին ավելի լավ յուրացնել կալցիումը։
Մասնագետը նշել է նաեւ բանջարեղենի այլ առավելություններ.
«Սննդակարգում նեխուրի առկայությունը կարող է կանխել սրտային հիվանդությունները եւ նվազեցնել 2-րդ տիպի շաքարախտի զարգացման ռիսկը»,- բացատրել է Պուրիգան:
Միեւնույն ժամանակ բժիշկը ուշադրություն է հրավիրել այն փաստի վրա, որ շատերի համար նեխուրը կարող է ուժեղ ալերգեն լինել, հատկապես մեծ չափաբաժիններով ուտելու դեպքում: Բացի այդ, այն պարունակում է շատ նատրիում, ուստի հիպերտոնիկները պետք է ավելի զգույշ լինեն:
Հում վիճակում ցուցված չէ ուտել ստամոքսա-աղիքային համակարգի խնդիրներ ունեցողներին։
Նեխուրի օգտագործումը խստորեն պետք է սահմանափակեն հղիները, կերակրող մայրերը։
Նեխուրի օգտագործումը խստորեն պետք է սահմանափակեն հղիները, կերակրող մայրերը։
