Ուկրաինան ակնկալում է Ադրբեջանից էներգահամակարգի վերականգնման համար սարքավորումների նոր խմբաքանակի մատակարարում
Ուկրաինան ակնկալում է մինչև 2023 թվականի վերջ Ադրբեջանից էներգահամակարգը վերականգնելու համար սարքավորումների նոր խմբաքանակի մատակարարում, հայտնել է Ուկրաինայի էներգետիկայի նախարարությունը՝ Ուկրաինայի էներգետիկայի նախարար Գերման Գալուշչենկոյի և Ադրբեջանի դեսպան Սեյմուր Մարդալիևի հանդիպումից հետո։«Մենք բարձր ենք գնահատում մեր համագործակցությունը Ադրբեջանի հետ էներգետիկ ոլորտում և անկեղծորեն հույս ունենք, որ այդ համագործակցությունը կամրապնդվի»,- ասել է Գալուշչենկոն։
Ուկրաինայի էներգետիկայի նախարարության տվյալներով՝ Բաքուն պատերազմի սկզբից ի վեր Ուկրաինային արդեն տրամադրել է 10 խմբաքանակ մարդասիրական օգնություն էներգետիկ ոլորտի համար։ Դրանք ներառում էին 50 պահեստային էլեկտրակայան և 45 ուժային տրանսֆորմատոր:
Երկու պաշտոնյաների հանդիպմանը քննարկվել են նաև երկրների միջև նավթագազային արդյունաբերության ոլորտում համագործակցության խորացման հարցեր։
