Տեսանյութ.Լուսանկարներում երևում է, որ Վագիֆ Խաչատրյանը չի կարողանում զսպել էմոցիաները, արտասվում է
Ադրբեջանական ԶԼՄ-ներն ակտիվորեն տարածում են լուսանկարներ, տեսանյութեր Հակարի կամրջի անցակետից առևանգված Վագիֆ Խաչատրյանի դեմ հարուցված քրեական գործի դատավարությունից։Լուսանկարներում երևում է, որ Վագիֆ Խաչատրյանը չի կարողանում զսպել էմոցիաները, արտասվում է։ Նրա հագուստը մաքուր չէ։
Ավելի վաղ նրա դուստրը՝ Վերան ֆեյսբուքյան իր էջում գրել էր.
«Հորս` Բաքվի կողմից առևանգված Վագիֆ Խաչատրյանի ապօրինի դատավարությունը մեկնարկելու է հոկտեմբերի 13-ին
Պապ, խելագարվում ենք անզորությունից ...
Հավատով սպասում ենք վերադարձիդ...»։
Հիշեցնենք, որ արցախցի 68-ամյա Վագիֆ Խաչատրյանն առևանգվել է հուլիսի 29-ին Լաչինի միջանցքում և տեղափոխվել Բաքու, երբ փորձել է Կարմիր խաչի միջազգային կոմիտեի ուղեկցությամբ Հայաստան տեղափոխվել բուժման նպատակով։
