Վագիֆ Խաչատրյան ցուցմունք է տվել.Այնտեղ ապրող ադրբեջանցիները մտերիմ էին ինձ հետ, ես բոլորին ճանաչում էի
Բաքվում շարունակվող ապօրինի դատավարության ժամանակ Լաչինի միջանցքից այս տարվա հուլիսին առևանգված արցախցի Վագիֆ Խաչատրյանն իրեն մեղավոր չի ճանաչել առաջադրված մեղադրանքների մասով։Նա հայտարարել է, որ չի մասնակցել ադրբեջանցիների դեմ հանցագործություններին.
«Այնտեղ ապրող ադրբեջանցիները մտերիմ էին ինձ հետ, ես բոլորին ճանաչում էի։ Մարտերի ժամանակ ես ոչ մի գործողության չեմ մասնակցել»։
Բացի այդ, Խաչատրյանի դեմ հարուցված կեղծ քրեական գործի դատավարության ժամանակ նրա փաստաբան Նաթիկ Բայբալաևը միջնորդել է ազատել իրեն հանձնառությունից՝ պատճառաբանելով, թե շաքարային դիաբետով է տառապում և արտերկում բուժման կարիք ունի։
Ինքը՝ Խաչատրյանը չի առարկել այդ միջնորդությանը, ինչից հետո դատավորը նոր փաստաբան է նշանակել Ռադմիլա Աբդուլովային։
.PNG)
