ՀՀ-ն երբեք ոչ մի տեղ չի համաձայնվել միջանցք տալ, նման խոստում չի տրվել․ ինչու Ադրբեջանի նախագահը չի հիշատակում ՀՀ-ի` 29,800 կմ² ճանաչումը
Ադրբեջանի նախագահը շարունակաբար պնդում է, թե Հայաստանը պարտավոր է սեփական երկրի տարածքով միջանցք տալ Ադրբեջանին։Եվրախորհրդարանում իր ելույթի ժամանակ ասաց ՀՀ վարչապետ Նիկոլ Փաշինյանը։
Վարչապետը նշեց, որ միջազգային խոսույթում միջանցք ասելով հասկանում են պարզապես միջպետական ճանապարհներ, բայց մեր տարածաշրջանում կա մի առանձնահատկություն։
Փաշինյանը հիշեցրեց, որ նոյեմբերի 9-ի հայտարարությամբ միայն մեկ միջանցքի՝ Լաչինի միջանցքի մասին է խոսվում, որը պետք է ապահովեր Հայաստանի և ԼՂ-ի կապը։
«Հայաստանի Հանրապետությունը երբեք ոչ մի տեղ որևէ իր տարածքի նկատմամբ իր ինքնիշխանության և իրավազորության որևէ սահմանափակման չի համաձայնվել։ Նման խոստում չի տվել»,- Եվրախորհրդարանի ամբիոնից պնդեց Նիկոլ Փաշինյանը։
Փոխարենն, ըստ Փաշինյանի, ՀՀ-ն և Ադրբեջանն իրենց սուվերենության և իրավազորության հիման վրա առանց միջանցքի միմայնց համար պետք է բացեն իրենց ճանապարհները, որտեղ պետք է գործեն սահմանային անցագրային կետեր։
«Ադրբեջանի նախագահը չի հիշատակում ՀՀ-ի` 29,800 կմ² ճանաչումը։ Սա որոշ վերլուծաբանների մոտ մտավախություն և հիմք է առաջացնում, որ նա հատուկ երկիմաստություններ է թողնում Հայաստանի նկատմամբ տարածքային պահանջներ ներկայացնելու համար»,- նկատեց նա։
***
ՀՀ-ն կողմ է տարածաշրջանային կոմունիկացիաների բացմանը և այս հարցով ՀՀ-ին մեղադրելու որևէ հիմք չկա։
Վարչապետի խոսքով՝ պատրաստ ենք վերականգնել Մեղրիի երկաթուղին, որը կկապի Հայաստանն ու Ադրբեջանը։
«Բացի այդ, Մեղրիի երակթուղին կկապի ՀՀ-ի հարավային շրջանները հյուսիսարևմտյանի, Ադրբեջանի հարավարևմտյանը՝ Նախիջևանի, Հայաստանը՝ Թուրքիայի, Ադրբեջանը՝ Թուրքիայի, Վրաստանը, Ադրբեջանը, Հայաստանը՝ Իրանի, արևելքը՝ արևմուտքի հետ՝ Կասպից ծովից մինչև Միջերկրական»,- նշեց նա։
Նիկոլ Փաշինյանն ասաց, որ Հայաստանում այս նախագիծն անվանում են «Հայկական խաչմերուկ»։ Փաշինյանի կարծիքով, սակայն, այս նախագիծն ավելի շատ տարածաշրջանային է։
Փաշինյանը նաև հայտնեց, որ ՀՀ-ն պատրաստ է գնալ ընթացակարգերի պարզեցումների, ապահովել ադրբեջանական բեռների և ադրբեջանցիների անցման անվտանգությունն իր տարածքով։
«Կան վերլուծություններ, որ պաշտոնական Բաքուն միջանցքային խոսույթը նենգափոխում է՝ տարածաշրջանում նոր պատերազմ հրահրելու, ՀՀ նորանոր տարածքներ օկուպացնելու կամ ՀՀ-ն շրջափակման մեջ պահելու համար»,- եզրափակեց նա։
Վարչապետի խոսքով՝ պատրաստ ենք վերականգնել Մեղրիի երկաթուղին, որը կկապի Հայաստանն ու Ադրբեջանը։
«Բացի այդ, Մեղրիի երակթուղին կկապի ՀՀ-ի հարավային շրջանները հյուսիսարևմտյանի, Ադրբեջանի հարավարևմտյանը՝ Նախիջևանի, Հայաստանը՝ Թուրքիայի, Ադրբեջանը՝ Թուրքիայի, Վրաստանը, Ադրբեջանը, Հայաստանը՝ Իրանի, արևելքը՝ արևմուտքի հետ՝ Կասպից ծովից մինչև Միջերկրական»,- նշեց նա։
Նիկոլ Փաշինյանն ասաց, որ Հայաստանում այս նախագիծն անվանում են «Հայկական խաչմերուկ»։ Փաշինյանի կարծիքով, սակայն, այս նախագիծն ավելի շատ տարածաշրջանային է։
Փաշինյանը նաև հայտնեց, որ ՀՀ-ն պատրաստ է գնալ ընթացակարգերի պարզեցումների, ապահովել ադրբեջանական բեռների և ադրբեջանցիների անցման անվտանգությունն իր տարածքով։
«Կան վերլուծություններ, որ պաշտոնական Բաքուն միջանցքային խոսույթը նենգափոխում է՝ տարածաշրջանում նոր պատերազմ հրահրելու, ՀՀ նորանոր տարածքներ օկուպացնելու կամ ՀՀ-ն շրջափակման մեջ պահելու համար»,- եզրափակեց նա։
