ՀՀ ԱԳՆ-ն այս պահին դեռ մեկնաբանություն չունի.խոսքը ոչ թե անկլավների փոխանակման մասին է, այլ պարզապես բնակավայրերի հանձնման պահանջ է ներկայացվում
ՀՀ ԱԳՆ-ն այս պահին դեռ մեկնաբանություն չունի 8 անկլավների մասին Բաքվի նոր պահանջի վերաբերյալ։ Ինչպես արդեն հայտնել ենք՝ Ադրբեջանի ԱԳՆ-ն քիչ առաջ հայտարարություն էր տարածել, որում մասնավորապես հայտարարել էին, որ Հայաստանը Ադրբեջանին «չի փոխանցել նաև 8 ադրբեջանական գյուղեր, որոնք դեռ օկուպացված են»։Նշենք, որ խոսքը ոչ թե անկլավների փոխանակման մասին է, այլ պարզապես բնակավայրերի հանձնման պահանջ է ներկայացվում։ Հայկական Արծվաշենի վերադարձի մասին որևէ խոսք չկա։ Ու սա այն դեպքում, երբ այս պահին Բաքուն օկուպացրել է ՀՀ ինքնիշխան տարածքի 200 քկմ տարածք, ավելին՝ չկա որեւէ համաձայնություն, թե որ թվականի քարտեզներով պետք է կատարվի Հայաստանի ու
Ադրբեջանի միջեւ սահմանների դելիմիտացիան, դեմարկացիան։
«Փաստինֆոն» Բաքվի այս հայտարարության առնչությամբ մեկնաբանություն ստանալու համար դիմեց ՀՀ ԱԳՆ մամլո խոսնակ Անի Բադալյանին, ով նշեց, որ մեկնաբանություն լինելու պարագայում կտեղեկացնեն:
