Տեսանյութ.Տեխասի քիմիական գործարանում հրդեհ է բռնկվել, տարհանում է ընթանում
Տեղի իշխանությունները հայտնում են Տեխասի Շեփերդ քաղաքի քիմիական գործարանում բռնկված հրդեհի մասին, տարհանում է ընթանում:Սան Հասինտոյի շրջանի շերիֆի գրասենյակը Facebook սոցիալական ցանցի իր էջում գրում է Շեփերդում քիմիական գործարանում բռնկված հրդեհի մասին:
«Տարհանում է ընթանում», - ասվում է հաղորդագրության մեջ։
Տեխասի Լիվինգսթոնի ոստիկանությունը նմանատիպ սոցցանցում կոչ է անում տեղի բնակիչներին պատսպարվել և անջատել օդորակման համակարգերը: Հաղորդվում է նաև, որ արտակարգ դրության պատճառով փակվել են մի շարք ճանապարհներ:
