Ալիևը ուղերձ է հղել
![](https://www.tert.am/news_images/1337/4009892_1/756023517891984.thumb.jpg)
«Հարգելի պարոն նախագահ,
Իմ և Ադրբեջանի ժողովրդի անունից ի սրտե շնորհավորում եմ Ձեզ և ի դեմս Ձեզ՝ Ձեր ողջ ժողովրդին Պաղեստին պետության ազգային տոնի կապակցությամբ և փոխանցում իմ լավագույն մաղթանքները։ Անցյալ տարի Պաղեստինում Ադրբեջանի դիվանագիտական ներկայացուցչության ստեղծումը դրական քայլ էր՝ ուղղված մեր երկկողմ հարաբերությունների զարգացմանը։ Օրակարգում է նաեւ Պաղեստինում դպրոց կառուցելու հարցը։
Հուսով ենք, որ Գազայում լարվածությունը շուտով կկարգավորվի։ Ադրբեջանը միշտ համերաշխություն է դրսևորել պաղեստինյան հարցի առնչությամբ և աջակցում է դրա լուծմանը՝ հիմնված երկու պետությունների սկզբունքի վրա՝ ՄԱԿ-ի համապատասխան բանաձևերի և որոշումների համաձայն։ Մեր երկիրը կշարունակի աջակցել ՄԱԿ-ի Մերձավոր Արևելքում պաղեստինցի փախստականներին օգնության և աշխատանքի համակարգման գործակալությանը: Հավատում եմ, որ բարի ավանդույթներ ունեցող մեր երկրների բարեկամական հարաբերությունները և մեր համագործակցությունը կշարունակեն հաջողությամբ զարգանալ։
Այս նշանակալից օրը մաղթում եմ Ձեզ քաջառողջություն, երջանկություն, հաջողություններ ձեր գործերում, իսկ Պաղեստինի եղբայրական ժողովրդին՝ խաղաղություն և հանգստություն»,- ասված է նամակում։