Զբաղեցրած պաշտոնից ազատվել է «Դատապարտյալների հիվանդանոց» ՔԿՀ պետը          Ե՞րբ կսկսվի մարտ ամսվա կենսաթոշակի վճարման գործընթացը       Երևանում անչափահասը Toyota-ով կոտրել է ծառերն ու գլխիվայր շրջվել, վիրավորները նույնպես անչափահասներ են    

29 նոյ 2023 14:35

Հրեշավոր սպանություն Թուրքիայում. ռուս մոդելի և նրա 15-ամյա դստեր դիերը գտել են ճանապարհին՝ սավաններով կապված

Թուրքիայի Բոդրում քաղաքում՝ ճանապարհի եզրին, հայտնաբերվել է երկու ռուս կնոջ դի։ 42-ամյա ռուս մոդել Իրինա Դվիզովային և նրա դստերը՝ Դայանային, սպանել, հետո փաթաթել են սավաններով և կապել։


Հրեշավոր հանցագործության զոհ դարձածների մարմինները Բոդրում հանգստավայրի զառիթափ լանջին են հայտնաբերվել։ Նրանց դիերը եղել են իրարից երեք մետր հեռավորության վրա։ Տուժածների մոտ հայտնաբերվել են հրազենային բազմաթիվ վնասվածքներ։


Իրինան նախկինում մոդել է եղել, սակայն վերջերս ապրում էր Բոդրումում և այնտեղ աշխատում որպես ռիելթոր։ Դայանան երազում էր գնալ մոր հետքերով և մոդել դառնալ։ Նոյեմբերի 11-ին աղջիկը տեսանյութ էր հրապարակել սոցցանցերում։ Դրանում նա ուրախ խոսել է գալիք հանգստյան օրերի մասին:


 
«Ես ու մայրիկս շաբաթ-կիրակի մեկնեցինք Ստամբուլ: Վաղը իմ ծննդյան օրն է։ Այն այնքան գեղեցիկ կընթանա»,- ասել է երիտասարդ աղջիկը:


Իրինան ու Դայանան անհետացել էին երեք օր առաջ։ Նրանց հարազատները չեն կարողացել կապ հաստատել վերջիններիս հետ և դիմել են ոստիկանություն։ Այնուհետև հարազատները գնացել են այն վիլլա, որտեղ ապրում էին մոդելն ու նրա դուստրը։ Մտնելով տուն՝ նրանք բազմոցին արյուն են տեսել և կասկածել, որ ռուս կանայք սպանվել են։ Նրանց հարազատները երկրորդ անգամ են դիմել ոստիկանություն։


Իրավապահ մարմինների աշխատակիցները դիտարկել են տեսախցիկները և հայտնաբերել մեքենան, որը դուրս է եկել տնից: Հետաքննության արդյունքում հայտնաբերվել են Իրինայի և դստեր դիերը։ Ինչպես պարզվել է, ռուս կանանց վրա կրակել են վիլլայում, իսկ ավելի ուշ նրանց մարմինները դուրս են բերել ու շպրտել լեռան լանջին, հայտնում է թուրքական Anterhaber գործակալությունը՝ վկայակոչելով ոստիկանության աշխատակիցներին։


Այժմ  կրկնակի սպանության կասկածանքով հետախուզվում է Իրինայի նախկին ամուսինը, ով ծնվել է Ֆինլանդիայում։ Զոհերի հարևանուհին պատմել է, որ մոդելը նաև որդի ունի։ Թե որտե՞ղ է նա այժմ, հայտնի չէ։

Մեկնաբանություններ


Համընկնող լուրեր