Ռուսական ընկերությունները Ադրբեջանին ներկայացրել են 22 նախագծային առաջարկ՝ Լեռնային Ղարաբաղում իրականացնելու նպատակով
Ռուսական ընկերությունները Ադրբեջանին ներկայացրել են 22 նախագծային առաջարկ՝ «Լեռնային Ղարաբաղում իրականացնելու նպատակով»։ Այս մասին ասել է Միլի Մեջլիսի պատգամավոր Նիզամի Սաֆարովը՝ Ադրբեջանի եւ Ռուսաստանի համագործակցության միջխորհրդարանական հանձնաժողովի նիստի ժամանակ, փոխանցում է Trend-ը։«Դեկտեմբերի 8-ի դրությամբ ռուսական ընկերությունների 22 նախագծեր գտնվում են ադրբեջանական կառույցների, այդ թվում ՝ էներգետիկայի նախարարության, գյուղատնտեսության նախարարության և «Ադրբեջանական երկաթուղիներ» ՓԲԸ-ի քննարկման փուլում», - ընդգծել է նա:
Բացի այդ, նա նշել է, որ Ադրբեջանի տնտեսության մեջ Ռուսաստանի ուղղակի ներդրումների ծավալը 1995-2022 թվականների ընթացքում կազմել է մոտ ութ միլիարդ ԱՄՆ դոլար, որից վեց միլիարդը պատկանում է ոչ նավթային հատվածին։
«Ադրբեջանն իր հերթին ավելի քան մեկ միլիարդ դոլար է ներդրել Ռուսաստանի տնտեսության մեջ ։ Ադրբեջանում գործում է 1 742 ռուսական առևտրային ձեռնարկություն, որոնցից 1 247-ը ակտիվ տնտեսական գործունեություն ծավալող ընկերություններ են»,- հավելել է նա։
