Ադրբեջանին ձեռք չի տալիս խաղաղության պայմանագիրը, հասկանում են, որ ՀՀ զարգացման համար լուրջ հեռանկարներ կապահովվեն
ՔՊ-ական պատգամավոր Արմեն Խաչատրյանը կարծում է, որ Ադրբեջանին խաղաղության պայմանագիրը «ձեռք չի տալիս»։«Ադրբեջանը վատ է տրամադրված, գուցե, նրանց խաղաղության պայմանագիրը ձեռք չի տալիս, հասկանում են, որ դրանից Հայաստանի տնտեսությունը շատ արագ կարող է վերելք ապրել, Հայաստանի զարգացման համար լուրջ հեռանկարներ կապահովվեն, ճանապարհները կապաշրջափակվեն, այս ամենը նրանք շատ լավ վերլուծում են ու հետևություններ անում։ Ոգևորված չեն, որ Հայաստանի հեռանկարը այդպիսին լինի»,- լրագրողների հետ զրույցում ասաց նա։
Ըստ Խաչատրյանի՝ Ադրբեջանն ամեն ինչ անում է, որ խուսափի խաղաղության պայմանագիր կնքելուց։
«Ադրբեջանը հիմա ամեն ինչ անում է, որ գոնե ստորագրվելու դեպքում նոյեմբերի 9-ի նման մի փաստաթուղթ ստորագրվի, որ հետո բոլոր կետերը հնարավոր լինի խախտել, մենք դա թույլ չենք տա»,- վստահեցրեց ՔՊ-ական պատգամավորը։
Նրա խոսքով՝ Ադրբեջանի վրա միջազգային ճնշումը մեծ է, պետք է այդ երկրին բերել կառուցողական դաշտ։
***
Հայաստանը Ռուսաստանի հետ կապված է արյունատար անոթներով։
«Մեր կապվածությունը բավականին մեծ է և՛ տնտեսական, և՛ այլ հարցերով։ Մենք ձգտում ենք Ռուսաստանի հետ հարաբերությունների մակարդակը ավելի բարձրացնել», - ասաց նա։
Պատգամավորը, սակայն, հայտարարեց, որ Ռուսաստանը չի կատարում իր ստանձնած պարտավորությունները Հայաստանի նկատմամբ։
«Ռուսաստանը ի վիճակի չի եղել ու ի վիճակի չէ կատարել իր պարտավորությունները, ուղղակի ի վիճակի չէ», - ասաց նա։
«Մեր կապվածությունը բավականին մեծ է և՛ տնտեսական, և՛ այլ հարցերով։ Մենք ձգտում ենք Ռուսաստանի հետ հարաբերությունների մակարդակը ավելի բարձրացնել», - ասաց նա։
Պատգամավորը, սակայն, հայտարարեց, որ Ռուսաստանը չի կատարում իր ստանձնած պարտավորությունները Հայաստանի նկատմամբ։
«Ռուսաստանը ի վիճակի չի եղել ու ի վիճակի չէ կատարել իր պարտավորությունները, ուղղակի ի վիճակի չէ», - ասաց նա։
