Որն է մանդարինի անվնաս չափաբաժինը. ավելի լավ է քիչ ուտել

Սիետոլոգ Պոլինա Ժուրավլևայի կարծիքով՝ ամանորյա տոնական սեղանի ավանդական մթերքներից մեկը կարող է պոտենցիալ վտանգավոր լինել։

Դիետոլոգը պարզաբանել է, որ դա վտանգավոր է միայն այն դեպքում, եթե մարդն այն շատ ուտի։

Նրա խոսքով՝ մանդարինները պարունակում են շատ մեծ քանակությամբ շաքար, ինչպես նաև ասկորբին և կիտրոնաթթուներ։ «Սրանք այսպես կոչված նարնջագույն ամանորյա մարդասպաններն են, ավելի լավ է դրանք քիչ ուտել»,- բացատրեց բժիշկը՝ հավելելով, որ այս անուշահոտ մրգերի չարաշահումը կարող է հանգեցնել պեպտիկ խոցի, երիկամների խնդիրների և նույնիսկ գիրության։

Մասնագետն ընդգծել է, որ մանդարինն օգտագործելուց առաջ հարկավոր է անպայման լվանալ տաք ջրով, քանի որ մթերքի պիտանիության ժամկետը երկարացնելու համար դրանք մշակվում են մարդու համար վնասակար նյութերով, մինչդեռ օգտակար է համարվում ոչ միայն պտղամիսը, այլև շերտերը միմյանցից բաժանող սպիտակ մանրաթելերն ու անգամ կեղևը, որը հարուստ է հակաօքսիդանտներով։

Սակայն մասնագետները համակարծիք են, որ մեծ քանակությամբ մանդարին ուտելը կարող է հանգեցնել ոչ միայն ալերգիկ ռեակցիաների և փորափքանքի, այլև աղեստամոքսային տրակտի քրոնիկ հիվանդությունների սրման, քանի որ դրանցում պարունակվում է մեծ քանակությամբ մանրաթելեր։

Մասնագետները խորհուրդ են տալիս մանդարինն ուտել առավոտյան ու կեսօրին, սակայն երեկոյան 5-ից ոչ ուշ։ Բացի այդ, խորհուրդ չի տրվում նաև ուտել այս միրգը դատարկ ստամոքսին։ Այս պարզ խորհուրդներին հետևելու դեպքում մանդարինն օրգանիզմի վրա բացառապես դրական ազդեցություն կունենա:

Սա իր հերթին կարող է մեծացնել սրտանոթային հիվանդությունների, նյութափոխանակության խանգարումների և այլ հիվանդությունների զարգացման ռիսկը։

Բացի այդ, ալերգիայի դեպքում խորհուրդ չի տրվում մանդարին ուտել։ Մինչեւ երեք տարեկան երեխաներին նույնպես մանդարին չեն տալիս։

Սակայն, ըստ սննդաբանի, մանդարինի չափավոր օգտագործումը օգնում է աղեստամոքսային տրակտին և նպաստում է օրգանիզմի կողմից սննդանյութերի ավելի լավ կլանմանը:

Առողջ մարդը կարող է օրական ուտել մինչև 500 գրամ մանդարին, իսկ 3 տարեկանից երեխաներին կարելի է տալ օրական 3 մրգից ոչ ավելի և վերահսկել հնարավոր ալերգիկ ռեակցիան։