Թուրք հայտնի գրող Ազիզ Նեսինի հարսը քննադատել է Ադրբեջանին՝ընդունում է Արցախի հայկական լինելու փաստը
Հայտնի թուրք գրող Ազիզ Նեսինի հարսը՝ Հիլալ Նեսինը, ամիսներ առաջ սոցիալական ցանցերում գրառում է արել՝ քննադատելով հայկական Արցախի վրա հարձակված Ադրբեջանի ագրեսիվ քաղաքականությունը։Այդ մասին, ըստ Akunq.net-ի, հայտնում են թուրքական լրատվամիջոցները։
Աղբյուրի համաձայն՝ թուրքական մեդիային վրդովել է նաև Հիլալ Նեսինի վերջին գրառումը, որով նա քննադադել է ծայրահեղ ազգայնամոլ «Գորշ գայլերի» նշանը ցուցադրող թուրք զինվորներին։
Հիլալ Նեսինը մասնավորապես գրել է․ «Սրանք զինվո՞ր են, թե՞ Ազգայնական շարժում կուսակցության (Milliyetçi Hareket Partisi / MHP) երիտասարդական թևի ներկայացուցիչներ»։
Թուրքական մամուլը հիշեցնում է, որ ամիսներ առաջ, ենթադրաբար Արցախի վերջին պատերազի օրերին Հիլալ Նեսինը չի ընդունել, որ «Ղարաբաղը Ադրբեջանի տարածք է», այլ ընդգծել է, որ Ադրբեջանը գրավել է այն՝ մասնավորապես գրելով․ «Զավթողականության հանդիսատեսներն ենք»։ Այն ժամանակ Հիլալ Նեսինը ցավ է հայտնել նաև Ադրբեջանի քաղաքականության հետևանքով զոհված հայերի համար։
Հիշեցնենք, որ Ազիզ Նեսինը թուրք երգիծաբան է։ Նա արձակ և չափածո ժանրերով գրված շուրջ 100 գրքերի հեղինակ է։ Նրա որոշ ստեղծագործություններ թարգմանված են նաև հայերեն։
https://www.ensonhaber.com/gundem/ermeniler-icin-agit-yakan-aziz-nesinin-gelini-hilal-nesin-mehmetciki-hedef-aldi
Թարգմանեց Մելինե Անումյանը
Akunq.net
