Տեսանյութ.Ալիևը կարող է ունենալ նաև աքլորանալու օրակարգ, բայց մեզ պետք է հետաքրքրի Հայաստանի շահը․ ՔՊ պատգամավոր
Ադրբեջանի նախագահ Իլհամ Ալիևը կարող է պատերազմի օրակարգ ունենալ, նախընտրական շրջանում նա կարող է ունենալ նաև աքլորանալու օրակարգ, բայց մեզ պետք է հետաքրքրի Հայաստանի շահը։Այս մասին խորհրդարանական ճեպազրույցների ժամանակ ասաց «Քաղաքացիական պայմանագիր» խմբակցության պատգամավոր Արուսյակ Ջուլհակյանը։
Պատգամավորի համոզմամբ՝ այս պահին մեր երկրի շահերից է բխում խաղաղության օրակարգը։
«Երբ ՀՀ վարչապետը, մեր լիդերը խոսում է խաղաղության նկրտումների մասին և ներկայացնում է մեր պատկերացրած խաղաղության ճանապարհը, նա այդ ժամանակ ոչ միայն հանրության հետ է խոսում, Ալիևի հետ է խոսում, այլ ամբողջ աշխարհի։
Ես չեմ կարծում, որ որևէ փուլում պետք է խաղաղության օրակարգը համարենք ձախողված»,- հույս հայտնեց իշխանական պատգամավորը։
