Լյարդին վնասում է ոչ միայն ալկոհոլի օգտագործումը, այլև անվնաս թվացող այլ սովորություններ
Բժիշկները նշել են երեք սովորություն, որոնք կարող են լուրջ վնաս հասցնել լյարդին։ Փորձագետների կարծիքը ներկայացրել է Focus պորտալը:Նրանց կարծիքով՝ լյարդին վնասում է ոչ միայն ալկոհոլի օգտագործումը, այլեւ անվնաս թվացող այլ սովորություններ։
Տարբեր ուսումնասիրություններ ցույց են տալիս, որ նման սովորություններից մեկը մրգերի չափից ավելի օգտագործումն է։ Մասնագետները զգուշացնում են չպետք է թերագնահատել մրգերի ազդեցությունը մարդու առողջության վրա, քանի որ դրա չափազանց մեծ քանակությունը կարող է հանգեցնել լյարդի ճարպակալման:
Մեկ այլ ռիսկի գործոն է դեղերի կանոնավոր օգտագործումը: Լյարդի վրա ազդող կողմնակի ազդեցությունների վտանգը սովորաբար ցածր է, բայց եթե ունեք այնպիսի ախտանիշներ, ինչպիսիք են հոգնածությունը, ախորժակի կորուստը և որովայնի ցավը, ավելի լավ է խորհրդակցեք բժշկի հետ:
Բացի այդ, նստակյաց ապրելակերպը եւս կարող է հանգեցնել լյարդի խնդիրների: Մարմինը ճարպային հյուսվածք է կուտակում ոչ միայն մաշկի տակ, այլեւ ներքին օրգանների շուրջ, ինչը կարող է հանգեցնել բորբոքման։ Կանոնավոր վարժությունները կարող են օգնել նվազեցնել լյարդի ճարպային հիվանդության զարգացման ռիսկը:
