Զբաղեցրած պաշտոնից ազատվել է «Դատապարտյալների հիվանդանոց» ՔԿՀ պետը          Ե՞րբ կսկսվի մարտ ամսվա կենսաթոշակի վճարման գործընթացը       Երևանում անչափահասը Toyota-ով կոտրել է ծառերն ու գլխիվայր շրջվել, վիրավորները նույնպես անչափահասներ են    

12 փետ 2024 12:33

ՌԴ-ն պատրաստ էր իր միջոցներով արագ վերականգնել ՀՀ-ի տարածքով Ադրբեջանից դեպի Նախիջևան երթուղին, հայկական կողմն է ձգձգում բանակցությունները

ՌԴ-ն պատրաստ էր իր միջոցներով արագ վերականգնել ՀՀ-ի տարածքով Ադրբեջանից դեպի Նախիջևան երթուղին, հայկական կողմն է ձգձգում բանակցություններըՀայաստանի տարածքով Ադրբեջանից դեպի Նախիջևան տրանսպորտային միջանցքի թեման շատ կարևոր է Բաքվի համար։ Այս մասին Известия-ին ասել է Ադրբեջանում Ռուսաստանի դեսպան Միխայիլ Եվդոկիմովը՝ մանրամասնելով, որ 46 կմ երկարությամբ այս երթուղու երկայնքով կան թունելներ և կամուրջ։

«Ռուսաստանի Դաշնությունը պատրաստ էր իր միջոցներով բավականին արագ վերականգնել այս երթուղին։ Տարբեր պատճառներով, որոնք ինձ այնքան էլ պարզ չեն, հայկական կողմը ձգձգում է բանակցությունները», - ասել է Բաքվում ՌԴ դեսպանը։

Նա հիշեցրել է, որ նախորդ տարի Բաքուն և Թեհրանը համաձայնագիր են ստորագրել Իրանի տարածքով երկաթուղու կառուցման մասին։

«Այնտեղ ճանապարհն ավելի երկար է՝ 60 կմ, երթուղին ավելի բարդ է, բայց այս աշխատանքներն արդեն ընթանում են։ Այս բոլոր տարիներին Ադրբեջանի և Նախիջևանի միջև ավտոմոբիլային բեռնափոխադրումները անցնում էին Իրանի տարածքով։ Գումարած սա Թուրքիա տանող ճանապարհն է։ Հիմա գլխավորը Թուրքիայից Նախիջևան երկաթուղի կառուցելն է: Նախատեսվում է կրկնակի գիծ՝ եվրոպական և խորհրդային։ Ըստ այդմ, մենք կկարողանանք Ռուսաստանից Թուրքիա ապրանքներ տեղափոխել Ադրբեջանի, Իրանի և Նախիջևանի տարածքով», - ասել է Եվդոկիմովը;

Մեկնաբանություններ


Համընկնող լուրեր