Ապրիլի 19-ին երկար ժամանակով լույս չի լինելու բազմաթիվ հասցեներում          Տեսանյութ.Թուրքիայում ուժգին երկրաշարժից հետո շենքեր են վնասվել       Տեսանյութ.Տեղի ունեցավ արցախցի նկարիչ, քանդակագործ Արկադի Մկրտչյանի «Արցախի փրկված և կորսված արվեստը» խորագրով ցուցահանդեսը    

26 մար 2024 12:43

Դիվանագիտական սկանդալ՝ ՀՖՖ-ի «թեթև ձեռքով»՝ Հայաստան- Կոսովո խաղում

Դիվանագիտական սկանդալ՝ ՀՖՖ-ի «թեթև ձեռքով»«Իրավունք»-ը գրում է.


«Հայաստանի ֆուտբոլի ազգային թիմը 2024 թվականի առաջին և պատմության 250-րդ խաղում ընկերական հանդիպման շրջանակներում Երևանում հյուրընկալեց Կոսովոյին: Իհարկե, ընկերական ասվածը, թերևս այս դեպքում խիստ հարաբերական է ասված: Առաջին խաղակեսն ընթացավ առանց ինտրիգների՝ թեպետ խաղային իրավիճակներից մեկում` պաշտպանների սխալից հետո, Հայաստանի հավաքականի դարպասը գրավեց Կոսովոն՝ ի դեմս Միլոտ Ռաշիցանի, իսկ Հայաստանի ֆուտբոլի ազգային թիմին առաջին կեսում այդպես էլ չհաջողվեց հետ բերել կորցրածը:


Թիմերն ընդմիջման գնացին Կոսովոյի նվազագույն առավելությամբ: Իսկ վերադարձան Հայաստանի ֆուտբոլի ազգային հավաքականի շապիկին պակաս դրոշով: Այն, որ ֆուտբոլիստները հմտորեն թաքցրել էին շապիկի վրայի դրոշը, «Իրավունք»-ի հետ զրույցում պատմեց քառօրյա և 44 օրյա պատերազմի մասնակից ՀԱԿՈԲ ՊԷՐՊԷՐԵԱՆԸ, ում աչքից չէր վրիպել այն, ինչը կարող է պատճառ դառնալ հերթական դիվանանագիտական սկանդալի:


Պարզվում է՝ միայն 45 րոպե խաղից հետո, երևի թե, ազգային հավաքականը գցել-բռնել է, որ Եռագույնի կողքին՝ Կոսովոյի պետական դրոշը կրելով՝ վիրավորում են իրենց իսկ դարպասապահին: Չէ որ Հայաստանի ազգային հավաքականի դարպասապահ Օգնյեն Չանչարևիչն ազգությամբ սերբ է: Իսկ Կոսովոն խլել են Սերբիայից, ինչպես Արցախը՝ Հայաստանից:


Ինչևէ, նշենք, որ Հայաստան-Կոսովո խաղն ավարտվել է՝ 0:1: Իսկ թե ինչ տպավորություններով են հեռացել Կոսովոյի երկրպագուները Հայաստանից, կարելի է միայն պատկերացնել և հուսալ, որ ըմբռնումով կմոտենան տեղի ունեցածին»։


Մեկնաբանություններ


Համընկնող լուրեր