ՀՀ իշխանությունը դեռ չի որոշել` որտեղով կանցնի Ոսկեպարի հատվածը շրջանցող ճանապարհը
Հայաստանի իշխանությունը դեռ չի որոշել, թե ինչպես է անցնելու Վրաստան տանող ճանապարհի նոր հատվածը, որը պետք է այլընտրանք դառնա Ոսկեպար գյուղի մոտով անցնող հատվածին։Հայաստանի վարչապետ Նիկոլ Փաշինյանը մարտի 12-ի ասուլիսի ժամանակ հայտարարել էր, որ հանձնարարական է տվել վերակառուցել ճանապարհների այն հատվածները, որոնք դուրս են գալիս ՀՀ (Խորհրդային Հայաստանի) տարածքից, օրինակ՝ Տավուշի մարզի Ոսկեպարի մոտ։
«Հայտնում ենք, որ առաջադրված հարցերը դեռևս ուսումնասիրման ընթացքում են։ Քննարկումների արդյունքների վերաբերյալ կլինեն համապատասխան մամուլի հաղորդագրություններ», - Sputnik Արմենիայի հարցմանը պատասխանել են Հայաստանի տարածքային կառավարման և ենթակառուցվածքների նախարարությունից։
Նշենք, որ մենք նաև հարցրել էինք, թե ուրիշ որ հատվածներում է հանձնարարվել նման աշխատանքներ կատարել բացի Ոսկեպարից, արդյոք այդպիսի հատվածներ են համարվում նաև Տիգրանաշենի, Ազատամուտ-Այգեհովիտ (նախկին Բարխուդարլու-Սոֆուլու) հատվածները, և արդյոք այնտեղ էլ են շրջանցիկ ճանապարհներ կառուցվելու։
