Իրանում ձերբակալել են անվտանգության ոլորտի տասնյակ աշխատակիցների
Իրանում անվտանգության ոլորտի տասնյակ աշխատակիցներ են ձերբակալվել ՀԱՄԱՍ-ի քաղբյուրոյի ղեկավար Իսմայիլ Հանիայի սպանության գործով, գրում է New York Times թերթը՝ վկայակոչելով իր աղբյուրներին:«Իրանում ավելի քան երկու տասնյակ մարդ է ձերբակալվել, այդ թվում՝ հետախուզության բարձրաստիճան սպաներ, ռազմական պաշտոնյաներ եւ զինվորականների պաշտպանության տակ գտնվող Թեհրանում գտնվող հյուրատան հաստիքային աշխատողներ (որտեղ զոհվել է Հանիան)», - ասվում է հոդվածում։
Պարբերականի տեղեկություններով՝ հարձակումից անմիջապես հետո անվտանգության գործակալները մեկուսացրել են հյուրատան բոլոր աշխատակիցներին եւ նրանցից առգրավել էլեկտրոնային սարքերը, այդ թվում՝ բջջային հեռախոսները: Գործակալները նաև հարցաքննել են հետախուզության բարձրաստիճան սպաներին և զինվորականներին, որոնք պատասխանատու են Թեհրանի անվտանգության ապահովման համար:
Ինչպես պնդում են New York Times-ի աղբյուրները, իրանական հատուկ ծառայությունները կարծում են, որ «Մոսադի կողմից վարձված գործակալները» դեռ գտնվում են երկրում և իրենց նպատակն են դնում նրանց ձերբակալելը:
