Սեպտեմբերի 10-ը Սուիցիդների կանխարգելման համաշխարհային օրն է
Սուիցիդների կանխարգելման միջազգային ասոցիացիան ամեն տարի սեպտեմբերի 10-ը նշում է, որպես Սուիցիդների կանխարգելման համաշխարհային օր:Օրվա խորհուրդն է. իրազեկել, որ սուիցիդները կարելի է կանխարգելել:
Այս տարվա կարգախոսն է «Փոփոխել սուիցիդների պատմույթը/նարատիվը»:
Անի Գրանդ հոթելում կայացավ Հոգեկան առողջության ազգային կոալիցիայի նիստը, որտեղ ներկայացվեց զեկույց՝ «Սուիցիդները Հայաստանում սոցիալ-հոգեբանական վերլուծություն»:
Սուիցիդների թիվը մտահոգիչ է, քանի որ աշխարհում ամեն տարի սուիցիդներից մահանում է մոտ 700 000 (2023թ-ին 703 000) մարդ, որը ընդհանուր առմամբ ավելի շատ է քան մարդկության պատմության ընթացքում բոլոր պատերազմների մահացության ցուցանիշը միասին վերցրած:
Քննարկվեց նաև հոգեկան առողջության պահպանման և բարելավման ռազմավարության գործողությունների պլանի իրականացումը:
Մշակման փուլում է գտնվում և մինչև տարևերջ «Հոգեկան առողջության մասին» օրենքի նախագիծ կներկայացվի, որտեղ պետք է ներառվի հոգեկան առողջության և հոգեբանական ծառայությունների հարցը, ինչպես նաև կհստակեցվի հոգեկան առողջության պահպանման գործում պետության պարտավորվածությունը:
Մինչդեռ գործող օրենքը՝ «Հոգեբուժական օգնության մասին», հիմնականում կարգավորում է հոգեկան խանգարում ունեցող անձանց հանդեպ պետության պարտավորվածությունը:
