ԱՄՆ-ում կայացել է նախագահի թեկնածուներ՝ Թրամփ-Հարիս առաջին հեռուստաբանավեճը
ԱՄՆ-ում կայացել է նախագահի թեկնածուներ Դոնալդ Թրամփի և Քամալա Հարիսի նախընտրական բանավեճը։ Կողմերը փոխանակվել են ձեռքսեղմումներով և սկսել պատասխանել հարցերին:
Քամալա Հարիսի և Դոնալդ Թրամփի միջև բանավեճը տեղի է ունենում Ֆիլադելֆիայի ազգային սահմանադրական կենտրոնում՝ Փենսիլվանիա նահանգի ամենամեծ քաղաքում: Թեկնածուները ելույթ են ունենում հանդիսատեսի բացակայությամբ և առանց բացման հայտարարությունների: Թրամփը խոսել է 42 րոպե, Հարրիսը` 37:
Թրամփն ասել է, որ դեմոկրատները չորս տարվա ընթացքում ոչնչացրել են տնտեսությունը, իսկ Հարիսը պարզապես կրկնօրինակել է Ջո Բայդենի տնտեսական ծրագիրը:
«Դոնալդ Թրամփը մեզ թողեց ամենավատ գործազրկությունը մեծ դեպրեսիայից ի վեր։ Այն ամենը, ինչ մենք [դեմոկրատներն] արել ենք, Դոնալդ Թրամփի ստեղծած խառնաշփոթը մաքրելն է», - իր հերթին հայտարարել է Հարիսը։
Նշենք, որ Թրամփի համար սա արդեն երկրորդ բանավեճն է Դեմոկրատական կուսակցության մրցակցի հետ։ Հունիսի 27-ին նա հանդիպել է ԱՄՆ գործող նախագահ Ջո Բայդենի հետ, որը նախատեսում էր վերընտրվել երկրորդ ժամկետով։ Այնուամենայնիվ, բանավեճից մեկ ամիս չանցած, Բայդենը դուրս եկավ ընտրապայքարից և որպես դեմոկրատական թեկնածու առաջարկեց գործող փոխնախագահ Քամալա Հարիսին:
