Ակնկալում ենք՝ ամենամոտ ապագայում գործնական առաջընթաց կապահովենք նաև Հայաստան-Վրաստան սահմանազատման գործընթացի շրջանակներում
Վերջին տարիներին Հայաստանի և Վրաստանի հարաբերություններում նկատելի է լուրջ ակտիվություն, որի շնորհիվ մեզ հաջողվել է ընդլայնել բոլոր բնագավառներում մեր երկրների միջև ծավալված բազմաբովանդակ փոխգործակցությունը: Այս մասին Վրաստանի վարչապետ Իրակլի Կոբախիձեի հետ հանդիպման արդյունքներն ամփոփող հայտարարության ժամանակ ասաց ՀՀ վարչապետ Նիկոլ Փաշինյանը:Նա առանձնահատուկ ընդգծեց այն հանգամանքը, որ Հայաստանն ու Վրաստանը փոխադարձաբար, աներկբայորեն հարգում են միմյանց տարածքային ամբողջականությունն ու ինքիշխանությունը:
«Պետք է նշեմ, որ Ադրբեջանի հետ սահմանգծման և սահմանազատման գործընթացի շրջանակում տեղի ուենցած բանակցությունների ընթացքում մեզ հաջողվել է արձանագրել որոշակի առաջընթաց: Հայաստանն ու Ադրբեջանը պայմանավորվածություն են ձեռք բերել սահմանազատման հետագա գործըթնացում առաջնորդվել 1991 թվականի Ալմա Աթայի հռչակագրի դրույթներով: Ակնկալում ենք որ ամենամոտ ապագայում գործնական առաջընթաց կապահովենք նաև Հայաստան-Վրաստան սահմանազատման գործընթացի շրջանակներում»,- նշեց Փաշինյանը:
