Չարլզ 3-րդի շնորհավորական ուղերձը Հայաստանի Անկախության տոնի առթիվ
Հայաստանում Մեծ Բրիտանիայի դեսպանությունից հայտնել են․«Շնորհավոր Անկախության տոնը, Հայաստան։
Նորին մեծություն թագավոր Չարլզ 3-րդը շնորհավորական ուղերձ է հղել Հանրապետության նախագահ Վահագն Խաչատուրյանին՝ Հայաստանի Հանրապետության Անկախության տոնի առթիվ։ Ուղերձում նշվում է.
«Քանի որ Դուք և Հայաստանի ժողովուրդը նշում եք Ձեր Անկախության տոնի հատուկ առիթը, ես և կինս մեր սրտանց շնորհավորանքներն ենք հայտնում Ձերդ Գերազանցությանը և հայ ժողովրդին։ Ես գնահատում եմ մեր ազգերի միջև կապը և հուսով եմ, որ մեր երկրները կարող են շարունակել սերտորեն համագործակցել կարևոր գլոբալ հարցերի շուրջ՝ լինեն դրանք խաղաղություն և բարգավաճում, թե շրջակա միջավայր և կլիմայի փոփոխություն, որոնք օգուտ կբերեն մեր ապագա սերունդներին գալիք տարիների ընթացքում: Ես և կինս, օգտվելով առիթից, ցանկանում ենք ձեզ և բոլոր հայերին ուղարկել մեր ջերմ բարեմաղթանքները գալիք տարվա համար։
Չարլզ Ռ.»։
