Սարգիս Գալստյանը դատապարտվեց 18 տարվա ազատազրկման
Արցախի հայաթափումից հետո Ստեփանակերտում որպես «պարետ» մնացած Սարգիս Գալստյանը լրտեսության համար դատապարտվել է 18 տարի ժամկետով ազատազրկման։ Սարգիս Գալստյանը 2023 թ-ի Արցախի հայաթափումից հետո կնոջ հետ մնացել էր Ստեփանակերտում մոտ կես տարի, ապա տեղափոխվել Հայաստան: ՀՀ սահմանը հատելուց հետո վերջիններս ձերբակալվել են, սակայն ավելի ուշ Գալստյանի կինն ազատ է արձակվել, իսկ Սարգիս Գալստյանին, մարտի 30-ին նախաձեռնված քրեական վարույթի շրջանակներում, ներկայացվել է մեղադրանք լրտեսության համար։
Գալստյանը 2018-2023 թթ. տարբեր պաշտոններ է զբաղեցրել Արցախի Հանրապետությունում, եղել է Շուշիի վարչական շրջանի ղեկավար, կրթության նախարարության աշխատակազմի ղեկավարի տեղակալ, ԼՂ նախագահի աշխատակազմի ղեկավարի տեղակալ։
Ըստ մեղադրանքի՝ նա 2020 թ.ից հավաքագրվել է օտարերկրյա պետության հատուկ հետախուզության ծառայությունում և լրտեսել:
