Վրաստանի իշխանությունները կխոսեն միայն ԱՄՆ նոր վարչակազմի հետ
ԱՄՆ նախագահի ներկայիս վարչակազմը փորձում է հնարավորինս ծանր ժառանգություն թողնել Թրամփի նոր վարչակազմին: Ըստ վրացական լրատվամիջոցների՝ հայտարարել է վարչապետ Իրակլի Կոբախիձեն:«Դուք տեսնում եք, որ գործող վարչակազմն առավելագույնս փորձում է հնարավորինս ծանր ժառանգություն թողնել նոր իշխանություններին: Նրանք դա անում են Ուկրաինայի և Վրաստանի հարցում, թեև դա սկզբունքային նշանակություն չի ունենա։ Կսպասենք նոր վարչակազմին և ամեն ինչի մասին կխոսենք նրանց հետ»,- հայտարարել է Կոբախիձեն «Իմեդի» հեռուստաալիքի եթերում:
ԱՄՆ պետքարտուղարությունը նոյեմբերի 30-ին հայտարարել է Վրաստանի հետ ռազմավարական գործընկերության դադարեցման մասին՝ հայտարարելով, որ Վրաստանի իշխանությունները խախտել են դրա գլխավոր սկզբունքները: Ռազմավարական գործընկերության խարտիան ստորագրվել է 2009 թվականին:
