Կասեցնում եմ ՔՊ-ի հետ համագործակցությունս, խմբակցությունից գուցե դուրս գամ, մանդատս վայր չդնեմ
Հովիկ Աղազարյանի շուրջ տեղի ունեցող զարգացումներով պայմանավորված, ԱԺ պատգամավոր Հակոբ Ասլանյանը ՔՊ-ի հետ համագործակցությունը կասեցնում է և դուրս գալիս խմբակցությունից: Այս մասին «FactorTV»-ին ասել է ՔՊ-ական պատգանավոր Հակոբ Ասլանյանը։
«Մեկ ամսով կասեցնում եմ իմ մասնակցությունը «ՔՊ» խմբակցությանը»-հայտարարել է Ասլանյանը, հավելելով, որ մանդատը վայր չի դնի:
Ասլանյանը նաև հայտնել է, որ դեկտեմբերի 3-ին ինքն էլ է ծանոթացել Հովիկ Աղազարյանի անձնական կայնքին վերաբերող տեղեկությունների:
«Ամենայն պատասխանատվությամբ հայտարարում եմ, որ այնտեղ չգտա որևէ բան, որի համար ես կամաչեի իմ ընկերոջ փոխարեն»,- ընդգծել է պատգամավորը՝ հավելելով, որ նամակագրությունների մեջ չկան տողեր, որ կարելի լինի պետական դավաճանության կետի տակ դնել:
Նա նաև խնդրանքով դիմեց ԱԺ ՔՊ խմբակցության ղեկավար Հայկ Կոնջորյանին. «Ձևավորել խմբակցության անդամներից բաղկացած պատգամավորական խումբ, որի առջև Հովիկ Աղազարյանը կտա պարզաբանումներ: Եթե խմբի անդամներին չհաջողվի համոզել ինձ փոխել իմ կարծիքը, ապա իմ հետագա համագործակցությունը ՔՊ խմբակցության հետ դառնում է անհնարին»:
