Օլաֆ Շոլցը հայտարարել է, որ ցանկանում է կրկին խոսել Ռուսաստանի նախագահ Վլադիմիր Պուտինի հետ
Գերմանիայի կանցլեր Օլաֆ Շոլցը T-Online պորտալին տված հարցազրույցում հայտարարել է, որ ևս մեկ զրույց կունենար Ռուսաստանի նախագահ Վլադիմիր Պուտինի հետ:«Ես նորից կանեի դա։ Պարզապես չի կարելի միամիտ լինել կամ պատրանքներ ունենալ։ Որոշ մարդիկ... վազում են Գերմանիայով մեկ և պնդում, որ բավական է մեկ կամ երկու խոսակցություն»,-ասել է Շոլցը՝ պատասխանելով այն հարցին, թե արդյոք նա նորից կխոսի Պուտինի հետ։
2022 թվականի դեկտեմբերի 2-ից ի վեր Պուտինի և Շտոլցի առաջին հեռախոսազրույցը տեղի է ունեցել նոյեմբերի 15-ին՝ Բեռլինի նախաձեռնությամբ։ Քննարկվել են Ուկրաինան, Մերձավոր Արևելքում տիրող իրավիճակը, երկկողմ հարաբերությունները։ Ինքը՝ Պուտինը, խոսելով այդ զրույցի մասին, լրագրողներին հայտնել է, որ դրա մասնակիցները կարծիքներ են փոխանակել, բայց յուրաքանչյուրը մնացել է իր կարծիքին։
