Երևանում շենքերից մեկի բնակարանում տեղի է ունեցել պայթյուն՝ հրդեհի բռնկումով
Այսօր՝ դեկտեմբերի 30-ին, արտակարգ դեպք է տեղի ունեցել Երևանում: Ժամը 12:00-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Մալաթիա-Սեբաստիա վարչական շրջանի Բաբաջանյան 167 շենքի 5-րդ հարկի բնակարաններից մեկում կրակ և ծուխ է նկատվում: Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի հրշեջ-փրկարարական 1-ին, 4-րդ, 8-րդ, 12-րդ հրշեջ-փրկարարական ջոկատներից մեկական մարտական և 8-րդ հրշեջ-փրկարարական ջոկատի ավտոսանդուղքը:
Ըստ նախնական տեղեկությունների՝ պայթյունը գազի հետ կապ չի ունեցել, քանի որ մի քանի քաղաքացիներ նշում էին, որ նշված տանը գազ չի մատակարարվել:
