Թուրքիայի և Իսրայելի միջև հարաբերություններն ամբողջությամբ խզված են
Թուրքիայի և Իսրայելի միջև հարաբերություններն ամբողջությամբ խզված են, Անկարան որևէ քայլ չի ձեռնարկել դրանք բարելավելու համար, ասվում է Թուրքիայի նախագահի աշխատակազմի հաղորդակցությունների վարչությանն առընթեր ապատեղեկատվության դեմ պայքարի կենտրոնի հայտարարության մեջ, գրել են ԶԼՄ-ները։Ավելի վաղ մի շարք իսրայելական ԶԼՄ-ներում հայտնվել էին տեղեկություններ, ապա վերատպվեցին թուրքական լրատվամիջոցներում այն մասին, թե Թուրքիայի նախագահ Ռեջեփ Թայիփ Էրդողանը, կապ է հաստատել Իսրայելի վարչակազմի հետ՝ վերականգնելու հարաբերությունները երկու երկրների միջև:
«Չի կարող խոսք լինել այն մասին, որ մեր նախագահ Ռեջեփ Թայիփ Էրդողանը զանգահարի Իսրայելի իշխանություններին»։
Իսրայելական լրատվամիջոցները չհիմնավորված պնդումներ են անում, որ «Թուրքիան հանդիպել է իր զրուցակիցների, Իսրայելի պաշտպանության բանակի և անվտանգության ստորաբաժանումների հետ կապի ուղիներով»։
Թուրքիայի ղեկավարի վարչակազմի հայտարարության մեջ ընդգծվում է, որ «Գազայում Իսրայելի կողմից իրականացված ցեղասպանության արդյունքում» Թուրքիայի և Իսրայելի հարաբերություններն ամբողջությամբ խզվել են։
Բացի այդ, նշվում է, որ հետագայում հարաբերությունները բարելավելու ուղղությամբ քայլեր չեն ձեռնարկվել։
