Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

29 հոկ 2016 16:48

Հնագետները բացել են Քրիստոսի գերեզմանը Երուսաղեմում

Հնագետները Տիրոջ Գերեզմանում Քրիստոսի թաղման մահճի վրայից հանել են մարմարյա սալաքարը:
Հետազոտողները մարմարյա սալաքարի տակ հայտնաբերել են մեծ քանակությամբ քարեր: Մարմարյա սալաքարըտեղադրվել է 1555 թ.-ին: Ազգային աշխարհագրական հասարակության անդամ հնագետ Ֆրեդերիկ Հիբերտի(Fredrik Hiebert) խոսքով, դեռևս շատ գիտական աշխատանքներ են սպասվում, սակայն վերջին հաշվով գիտնականները կկարողանան տեսնել, թե ինչպիսին է եղել այն մահճի մակերևույթը, որի վրա, ըստ ավանդույթի, հանգչել էր Քրիստոսի մարմինը:

Տիրոջ Գերեզմանը գտնվում է դեղնավարդագույն մարմարե գմբեթարդ մատուռում` էդիկուլայում (Կուվուկլիա)։ Գոյություն ունեցող Կուվուկլիան վերականգնվել է 1809-1810 թվականներին հույն ճարտարապետ Նիկոլայ Կոմինի նախագծով։ Այժմ այստեղ վերականգնողական աշխատանքներ են ընթանում Աթենքի ազգային տեխնիկական համալսարանի հուշարձանների և շինանյութերի պահպանման մասնագետ Անտոնիո Մարոպոլոյի գլխավորությամբ։

Գիտնականների խոսքով, գերեզմանի բացումը թույլ կտա հնագետներին պարզել, թե ինչու է սուրբ Հեղինեն, ով պեղումներ է անցկացրել Երուսաղեմում, որոշել, որ այդ գերեզմանը Քրիստոսի հուղարկավորման վայրն է։
Սուրբ Հեղինեն (Ֆլավիա Հուլիա Ելենա Ավգուստա) Կոնստանդիանոս Ա–ի դուստրն է, ով Հռոմեական կայսրության կայսր է եղել մեր թվարկության 306-337 թվականներին։ Համարվում է, որ իր ուխտագնացության ժամանակ նա հայտնաբերել է Տիրոջ Գերեզմանը, Կենարար Խաչը և քրիստոնեական այլ մասունքներ։

Մեկնաբանություններ


Համընկնող լուրեր