Հայտարարագրման միջոցով փորձում են վերահսկողություն սահմանել յուրաքանչյուր քաղաքացու վրա՝ բոլոր առումներով
Հայտարարագրման միջոցով փորձում են վերահսկողություն սահմանել յուրաքանչյուր քաղաքացու վրա՝ բոլոր առումներով, ոչ միայն տեղեկատվական իշխանություն են ունենալու՝ մուտք գործելով ձեր տներ, ոչ միայն անվտանգային խնդիրներով են ճնշելու, զրկելու են քաղաքացիական բոլոր իրավունքներից, այլ նաև տնտեսական իմաստով թույլ չեն տալու գաղտնիություն պահել իր սեփական փոքրիկ տարածքում։ Մուտք են գործելու մարդկանց բանկային հաշիվներ, փորձելու են վերահսկողություն սահմանել, բոլոր առումներով բռնաճշնելու են զանազան միջոցներով։ Այս մասին այսօր ուղիղ եթերով հայտարարեց «Սրբազան շարժման» առաջնորդ Բագրատ Սրբազանը։«Ամեն օր «բարեփոխումների անվան տակ առնչվում ենք չարիքի իշխանության ինքն իրեն մեր կյանքի վրա վերահաստատելու, բոլոր առումներով մարդկանց բռնաճնշելուն»,–հավելեց նա։
Բագրատ Սրբազանը նաև անդրադարձավ հարկային օրենսգրքում տեղի ունեցած փոփոխություններին, որոնք էական ազդեցություն են ունենալու փոքր և միջին բիզնեսների վրա։
«Ու՞մ են ծառայում և ովքե՞ր են սրա շահառուները։ Մենք ամեն օր բարեփոխումների անվան ներքո առերեսվում ենք այս չարիքի իշխանության կողմից մեր նկատմամբ բնաճնշումներ գործադրելու հետ»,–ասաց Բագրատ Սրբազանը։
