Տեսանյութ.Վարորդն իրավունք չունի պահանջել՝ վճարել, իրավունք չունի նաև ձեզ իջեցնել ավտոբուսից
Վարորդն իրավունք չունի ո՛չ պահանջել՝ վճարել, ո՛չ էլ՝ իջեցնել ավտոբուսից։ Այս մասին հայտարարել է Երևանի նախկին քաղաքապետ Հայկ Մարությանը։«Եթե դուք արդեն ավտոբուսի ներսում եք, վարորդն իրավունք չունի պահանջել՝ վճարել։ Վարորդն իրավունք չունի նաև ձեզ իջեցնել ավտոբուսից։ Նրա միակ պարտականությունն ավտոբուսը վարելն է։
Անդրադառնանք նաև այն պնդմանը, թե 100 դրամով միայն կարող են գազելներ լինել։ 1 Ման ավտոբուսը կարող է տանել այնքան մարդ, ինչքան տեղափոխում է 4 գազելը, Ման-ին պետք է 1 վարորդ, 4 գազելին՝ 4 վարորդ, և միայն վարորդների աշխատավարձերի տարբերությունը՝ 10 տարվա կտրվածքով կկազմի 400,000 դոլար։ Ստացվում է, որ գազելները ավելի թանկ են լինում։ Այսինքն, այն պնդումը, թե 100 դրամով կարող են լինել միայն գազելներ, իսկ 150 դրամով՝ Ման ավտոբուսներ, սուտ և կեղծ պնդում է, որը տարածում է ՔՊ-ն»-ասել է նա։
