Հռոմի պապ Ֆրանցիսկոսը կարող է հրաժարվել գահից, եթե չկարողանա կատարել իր պարտականությունները
Կարդինալ Ջանֆրանկո Ռավասին չի բացառում, որ Հռոմի պապ Ֆրանցիսկոսը կարող է հրաժարվել գահից, ինչպես իր նախորդ Բենեդիկտոս XVI-ը, եթե առողջական պատճառներով չկարողանա կատարել իր պարտականությունները։Corriere della Sera թերթին տված հարցազրույցում նա ասել է, որ Ֆրանցիսկոսը ցանկանում է ավարտին հասցնել քրիստոնեության հոբելյանական տարին, որն այս տարի նշում է Հռոմի կաթոլիկ եկեղեցին։
«Եթե Ֆրանցիսկոս պապը դժվարություններ ունենա իր պապական պարտականությունների կատարման հարցում, նա կկատարի իր ընտրությունը: Կարծում եմ, որ նա կարող է որոշել հրաժարական տալ: Դա ինքն է որոշելու, նա ունի վերջին խոսքը: Նա մեծ ցանկություն ունի հույսին նվիրված Հոբելյանական տարին անցկացնելու համար: Սա կարևոր է նրա համար»,- ասել է կարդինալը:
88-ամյա պապը փետրվարի 14-ից հիվանդանոցում է, նրա մոտ ախտորոշվել է երկկողմանի թոքաբորբ։
