Իլոն Մասկը գլխավորել է սուպերմիլիարդատերերի ցուցակը, նրա կարողությունը գնահատվում է 419,4 միլիարդ դոլար
ԱՄՆ կառավարության արդյունավետության դեպարտամենտի (DOGE) ղեկավար, ամերիկացի ձեռնարկատեր Իլոն Մասկը գլխավորել է սուպերմիլիարդատերերի վարկանիշը։ Այս մասին ասվում է Wall Street Journal-ի հրապարակման մեջ։Համաձայն 24 կետից բաղկացած վարկանիշի՝ Մասկը, որի կարողությունը 2025 թվականի փետրվարի դրությամբ գնահատվում է 419,4 միլիարդ դոլար, աշխարհի ամենահարուստ մարդն է։
Նրանից բացի վարկանիշում ընդգրկվել են ամերիկյան առցանց առևտուր իրականացնող Amazon-ի հիմնադիր Ջեֆ Բեզոսը (263,8 միլիարդ դոլար), ֆրանսիական LVMH շքեղ ապրանքներ արտադրողի սեփականատեր Բեռնար Արնոն (238,9 միլիարդ դոլար)
Ինչպես նշում է Wall Street Journal-ը, աշխարհի 24 ամենահարուստ մարդկանց ընդհանուր կարողությունը կազմում է 3,3 տրիլիոն դոլար։ Ընդ որում, նրանցից 16-ի կարողությունը գերազանցում է 100 միլիարդ դոլարը, ընդգծում է թերթը։
