Էրդողանը երկրում բողոքի ցույցերի ֆոնին ընդդիմությանը կոչ է արել «չխաղալ թուրք ժողովրդի նյարդերի վրա»
Թուրքիայի նախագահ Ռեջեփ Թայիփ Էրդողանը երկրում բողոքի ցույցերի ֆոնին ընդդիմությանը կոչ է արել «չխաղալ թուրք ժողովրդի նյարդերի վրա»։«Ես ձեզ մի քանի անգամ կոչ եմ արել դադարեցնել սադրանքներով խաթարել մեր քաղաքացիների անդորրը»,- ասել է Թուրքիայի ղեկավարը՝ կառավարության նիստից հետո դիմելով ժողովրդին։
Անցյալ շաբաթից Անկարայում, Ստամբուլում, Իզմիրում և մի շարք այլ քաղաքներում շարունակվում են բողոքի ցույցերը՝ ի պաշտպանություն Ստամբուլի ձերբակալված քաղաքապետ, ընդդիմադիր Ժողովրդահանրապետական կուսակցության (CHP) անդամ Էքրեմ Իմամօղլուի։
Թուրքիայի դատարանը որոշում է կայացրել ձերբակալել Ստամբուլի քաղաքապետ Էքրեմ Իմամօղլուին, ով կասկածվում է կոռուպցիայի մեջ, կիրակի օրը հայտնել է Sözcü հեռուստաալիքը։
