Տեսանյութ.Մեծ հանրահավաք Ազատության հրապարակում նվիրված արցախցիների իրավունքների պաշտպանությանը
«Հանուն Արցախի» Միավորման նախաձեռնությամբ ստեղծված և Արցախի հասարակական գրեթե բոլոր շրջանակները ներառող «Արցախցիների իրավունքների պաշտպանության խորհուրդը» այսօր Երևանի Ազատության հրապարակում հրավիրել է մեծ հանրահավաք՝ ի պաշտպանություն Արցախի ժողովրդի իրավունքների։Հանրահավաքում անդրադարձ է լինելու հետևյալ հարցերին.
Արցախ հավաքական վերադարձի իրավունքի ապահովում,
Տեղահանված արցախցիների սոցիալական հրատապ խնդիրների լուծում, ներառյալ՝ բնակարանային ապահովման ու զբաղվածության աջակցության ծրագրերի արժանապատիվ ու արդյունավետ իրականացում,
Բաքվի բանտերից հայ գերիների վերադարձի ապահովում,
Արցախի հայկական մշակութային ժառանգության և մասնավոր ու հանրային սեփականության պահպանության երաշխավորում։
