Գառնիկ Դանիելյանի ավտոմեքենայի ապակին կոտրելու դեպքի առթիվ նախաձեռնվել է քրեական վարույթ
ԱԺ «Հայաստան» խմբակցության պատգամավոր Գառնիկ Դանիելյանի ավտոմեքենայի ապակին կոտրելու դեպքի առթիվ նախաձեռնվել է քրեական վարույթ։ Քրեական վարույթը նախաձեռնվել է ՀՀ քրեական օրենսգրքի 44-254-րդ հոդվածի 2-րդ մասի 3-րդ կետով՝ գողության փորձի հատկանիշներով:Հիշեցնենք, որ Գառնիկ Դանիելյանը երեկ առավոտյան հայտնաբերել է ավտոմեքենան՝ ապակիները և կողային հայելիները կոտրված վիճակում։ Գառնիկ Դանիելյանը պնդում է, որ ավտոմեքենայում գտնվել է իր հեռախոսներից մեկը, որը չեն գողացել, առհասարակ, նրա դիտարկմամբ՝ ավտոմեքենայից գողություն չի կատարվել, հետևաբար, նա բացառել էր, որ դա է եղել նպատակը։ Ուշագրավ է, որ սա Գառնիկ Դանիելյանի ավտոմեքենան վնասելու առաջին դեպքը չէ, նախորդիվ, այրել էին նրա ավտոմեքենան՝ օրը ցերեկով, ինչը տեղի է ունեցել բողոքի ակցիաներին զուգահեռ ժամանակաշրջանում։ Այս անգամ ևս Դանիելյանի ավտոմեքենան վնասել են՝ Նիկոլ Փաշինյանի դեմ ելույթից հետո։
Միացեք նաև Hayacq.com-ի տելեգրամյան ալիքին
