Սի Ծինփինը ՇՀԿ գագաթնաժողովում առաջ է քաշել համաշխարհային կառավարման վերաբերյալ նախաձեռնություն
Չինաստանի նախագահ Սի Ծինփինը ՇՀԿ Պլյուս գագաթնաժողովում առաջ է քաշել համաշխարհային կառավարման վերաբերյալ նախաձեռնություն:«Ես կցանկանայի առաջ քաշել համաշխարհային կառավարման վերաբերյալ նախաձեռնություն և աշխատել բոլոր երկրների հետ՝ համատեղ ստեղծելու համաշխարհային կառավարման ավելի արդար և հավասար համակարգ, ինչպես նաև կառուցելու մարդկության համար ընդհանուր ապագա ունեցող համայնք»,-ասել է նա։
Նրա խոսքով, աշխարհին անհրաժեշտ է համաշխարհային կառավարման ավելի արդար և ռացիոնալ համակարգ։
«Կարևոր է ապահովել պետությունների ինքնիշխան հավասարությունը. բոլոր երկրները, անկախ իրենց չափերից և հզորությունից, իրավունք ունեն հավասար մասնակցության և օգտվելու համաշխարհային կառավարումից
Անհրաժեշտ է ժողովրդավարացնել միջազգային հարաբերությունները, որոնցում զարգացող երկրները պետք է ավելի լավ ներկայացված լինեն։
Կարևոր է ապահովել միջազգային իրավունքի հավասար և համընդհանուր կիրառումը՝ առանց կրկնակի ստանդարտների։
Գլոբալ կառավարման մեկ այլ սկզբունք է բազմակողմանիությունը։ ՄԱԿ-ի կարգավիճակը որպես աշխարհում անփոխարինելի ուժ պետք է պահպանվի։
Անհրաժեշտ է նեղացնել «գլոբալ հյուսիսի» և գլոբալ հարավի միջև եղած բացը։
Կարևոր է լինել «գործողության վրա կենտրոնացած» և համակարգել տարբեր երկրների ջանքերը՝ համաշխարհային նպատակներին հասնելու համար։
Չինաստանը կոչ է անում «կատարել հստակ ընտրություն՝ արգելքներ քանդելու, այլ ոչ թե կառուցելու օգտին»,- նշել է նա:
Պեկինը պատրաստ է շարունակել «կիսվել հսկա շուկայի հնարավորություններով»։
Չինաստանը կստեղծի ՇՀԿ-ի հետ համագործակցության երեք հարթակ՝ էներգետիկայի, կանաչ արդյունաբերության և թվային տնտեսության ոլորտներում, ինչպես նաև գիտատեխնիկական համագործակցության երեք հարթակ։
Պեկինը նախատեսում է ստեղծել արհեստական բանականության ներդրման համագործակցության կենտրոն։
Չինաստանը հաջորդ հինգ տարիների ընթացքում կհատկացնի քվոտաներ ՇՀԿ երկրների քաղաքացիներին բժշկական օգնություն ցուցաբերելու համար։
