Դավթաշենում սպանված Շմավոն Աթոյանն իշխանական բլոգեր է, «ՔՊ» տարածքային կառույցի անդամ
Հոկտեմբերի 25-ին կեսգիշերին Դավթաշենում սպանված Շմավոն Աթոյանն իշխանական բլոգեր, «ՔՊ» տարածքային կառույցի անդամ է։ Հիշեցնենք, որ հոկտեմբերի 25-ին կեսգիշերին Երևանի Դավթաշեն վարչական շրջանում վիճաբանություն է եղել, որն ավարտվել է կրակոցներով։ Դեպքի մասին հոկտեմբերի 25-ին հայտնել էր ոստիկանությունը՝ նշելով, որ «Արմենիա» բժշկական կենտրոնից հաղորդել են, որ հրազենային վիրավորմամբ բուժօգնության տեղափոխված 33-ամյա Շմավոն Աթոյանը գիտակցության չգալով մահացել է: Դեպքի վայրում հայտնաբերվել է 9 մմ տրամաչափի կրակված մեկ պարկուճ։ Սպանության գործով մեկ անձ ձերբակալվել էր։
