ՀՀ գլխավոր դատախազությունը կրկին կդիմի ՌԴ-ին՝ Գևորգ Կոստանյանի ու Վահագն Հարությունյանի հանձնման միջնորդությամբ
ՀՀ գլխավոր դատախազությունն առաջիկայում Գևորգ Կոստանյանի և Վահագն Հարությունյանի հանձնման միջնորդություն է ուղարկելու Ռուսաստանի Դաշնություն՝ խնդրելով նորից դիտարկել նախկինում մերժված հանձնումը։ԱԺ-ում Մարտի 1-ի գործով հանրային լսումների ժամանակ ՀՀ գլխավոր դատախազ Աննա Վարդապետյանը հայտարարեց, որ Մարտի 1-ի գործի հետ կապված քննչական խմբի ղեկավար Վահագն Հարությունյանն ու ՀՀ նախկին գլխավոր դատախազ Գևորգ Կոստանյանը մեղադրվում են հետագայում պաշտոնեական դիրքի չարաշահման, ապացույցների կեղծման և գործի քննությունը, ըստ էության, խեղաթյուրելու դրվագներով, դրանք մարտի 1-2-ի գործողությունների հետ փոխկապակցված չեն, փոխկապակցված են հետագայում կատարված դիրքային չարաշահումների հետ։
