Ռուսաստանից Ադրբեջանի տարածքով հացահատիկով բեռնված վագոններ են ուղարկվել Հայաստան

Մեկնարկել է Ադրբեջանի տարածքով Ռուսաստանի Վոլգոգրադի մարզի Գմելինսկայա կայարանից Հայաստան ցորենի տեղափոխումը երկաթուղով։

Ռուսական լրատվամիջոցների տվյալներով՝ առաջին խմբաքանակը, որը բաղկացած է հացահատիկով բեռնված 8 վագոնից, ուղևորվում է դեպի Երևանի կայարան։ Մինչև 2025 թվականի վերջը նախատեսվում է այս երթուղով առաքել 30 երկաթուղային վագոն, որը համարժեք է ավելի քան 2000 տոննա հացահատիկի։

Նոր լոգիստիկ ծառայության ստեղծումը հնարավոր դարձավ Ադրբեջանի միջոցով Հայաստան տարանցիկ բեռնափոխադրումները վերսկսելու որոշման շնորհիվ։ Նման բեռնափոխադրումներ չեն եղել 1990-ական թվականներից ի վեր։