Սահմանազատման հանձնաժողովի նիստերը կարող են անցկացվել նաև Հայաստանում
2026 թվականին մենք կտեսնենք դրական դինամիկայի շարունակությունը Հայաստանի հետ հարաբերություններում, հայտարարել է Ադրբեջանի ԱԳ նախարար Ջեյհուն Բայրամովը տարվա արդյունքներին նվիրված մամուլի ասուլիսում։Բայրամովը նշել է, որ ընդհանուր համաձայնություն է ձեռք բերվել քաղհասարակության ներկայացուցիչների միջև փոխայցերը շարունակելու վերաբերյալ. «Բարձր մակարդակի հանդիպումների առումով, սահմանազատման հանձնաժողովի 12-րդ նիստն առաջին անգամ անցկացվել է Գաբալայում։ Ի տարբերություն նախորդ 11 հանդիպումների, այն սահմանին չի անցկացվել։ Նմանատիպ հանդիպումներ կարող են անցկացվել նաև Հայաստանում։ Հաջորդ տարի մենք կտեսնենք այս գործընթացների շարունակությունը»։
