Իրանը փակել է օդային տարածքը, Ադրբեջանի հետ սահմանի երկայնքով
Իրանը NOTAM ծանուցում է հրապարակել Ադրբեջանի հետ սահմանի երկայնքով օդային տարածքը փակելու մասին։ Հաղորդագրության համաձայն՝ սա վերաբերում է Կասպից ծովում Ադրբեջանի հետ սահմանի ողջ ծովային գոտուն։Իրանական լրատվամիջոցների տվյալներով՝ վերջին ժամերին նկատվում է իրանական բանակի անօդաչու թռչող սարքերի թռիչքների ակտիվացում, ինչը, փորձագետների կարծիքով, մատնանշում է տվյալ տարածքում զորավարժությունների անցկացումը։ Զորավարժություններն ընթանում են տարածաշրջանում ԱՄՆ ռազմական ներկայության մեծացման և Իրանի դեմ հնարավոր գործողությունների սպառնալիքների ֆոնին։
