Իրանը 30 բալիստիկ հրթիռ է բաց թողել Իսրայելի ուղղությամբ․ նոր մանրամասներ
Իրանը 30 բալիստիկ հրթիռ է բաց թողել Իսրայելի ուղղությամբ։Իսրայելի բանակը հայտարարել է երկրում արտակարգ դրություն մտցնելու մասին։
Իրանական մամուլը հայտնում է Թեհրանում նոր պայթյունների մասին։
Իսրայելական ԶԼՄ-ները գրում են՝ սա համատեղ ամերիկա-իսրայելական օպերացիա է։
Նշվում է նաև, որ Իսրայելը փակել է իր օդային տարածքը։
Ադրբեջանի ԱԳՆ-ն իր քաղաքացիներին կոչ է անում լքել Իրանի տարածքը։
Իրանը կոչ է անում իր քաղաքացիներին լքել ԱՄԷ-ն, Քուվեյթը, Կատարը, Բահրեյնը և Հորդանանը՝ ամերիկյան բազաների ներկայության պատճառով։
Ըստ Netblocks-ի տվյալների՝ Իրանում գրեթե լիակատար անջատվել է ինտերնետ կապը՝ նվազելով մինչև նորմալ մակարդակի մոտ 4%-ի։
ԱՄՆ-ն օդային հարվածներ է հասցրել Չաբահարում և Քենարակում ԻՀՊԿ ռազմածովային և օդային բազաներին։
«12-րդ ալիքը» հաղորդել է Իսրայելի հյուսիսում պայթյունների մասին։ Իսրայելի պաշտպանության բանակի խոսնակը հաստատել է Իսրայելի ուղղությամբ արձակված երկրորդ համազարկը։
Իսրայելա-ամերիկյան գործողությունը պետք է պայմաններ ստեղծի, որպեսզի իրանցի ժողովուրդը կարողանա իր ճակատագիրը իր ձեռքը վերցնել, ասել է Իսրայելի վարչապետ Բենյամին Նեթանյահուն։ «Ժամանակն է, որ Իրանի ժողովրդի բոլոր հատվածները՝ պարսիկները, քրդերը, ադրբեջանցիները, բելուջները և ահվազիները, թոթափեն բռնապետության լուծը և ստեղծեն ազատ և խաղաղասեր Իրան»։
Հարված է հասցվել Իրանի Իմամ Ալիի անվան հրթիռային բազային։ Հարվածների առաջին ալիքը ոչնչացրել է Իրանի Գերագույն դատարանը և Դատական հաստատությունների կենտրոնը։
