5.3 մագնիտուդ ուժգնությամբ երկրաշարժ է տեղի ունեցել Թուրքիայում
Եվրոպական-Միջերկրածովյան Սեյսմոլոգիական Կենտրոնի (EMSC) մասնագետների տվյալներով՝ կենտրոնական Թուրքիայում ուժեղ երկրաշարժ է տեղի ունեցել։Ցնցումները գրանցվել են ուրբաթ՝ մարտի 13-ի գիշերը, տեղական ժամանակով ժամը 3:35-ին, որը համընկնում է Մոսկվայի ժամանակի հետ։ Սեյսմոլոգների տվյալներով՝ երկրաշարժի ուժգնությունը կազմել է 5.3 մագնիտուդ, որը համարվում է ուժեղ։
Էպիկենտրոնը գտնվել է Տոկատ քաղաքից մոտավորապես 46 կիլոմետր հյուսիս-արևելք և Էրբա քաղաքից 21 կիլոմետր հեռավորության վրա։ Էպիկենտրոնը գտնվել է վեց կիլոմետր խորության վրա։
Զոհերի կամ ավերածությունների մասին դեռևս տեղեկություններ չկան։ Սակայն գլխավոր ցնցումից հետո գրանցվել է մինչև 2 մագնիտուդ ուժգնությամբ մի շարք հետցնցումներ։
