Ուրսուլա ֆոն դեր Լայենը բացառել է ռուսական գազի գնումները նույնիսկ ԵՄ-ում էլեկտրաէներգիայի անջատումների դեպքում
Եվրահանձնաժողովի նախագահ Ուրսուլա ֆոն դեր Լայենը լիովին բացառել է ԵՄ երկրներին ռուսական գազ գնելու թույլտվությունը, նույնիսկ եթե Եվրոպայում էներգապաշարների ֆիզիկական պակաս լինի, որը կհանգեցնի էլեկտրաէներգիայի անջատումների։ Այս մասին նա հայտարարել է ԵՄ գագաթնաժողովի արդյունքներով հրավիրված մամուլի ասուլիսի ժամանակ, հայտնում է ՏԱՍՍ-ը:«Մենք ունենք հստակ նպատակ և հավատարիմ ենք մեր նպատակին։ Մենք շարունակելու ենք մեր էներգետիկ հատվածի վերափոխումը՝ այն փոխադրելով կանաչ և Եվրոպայում արտադրվող էներգիայի»,- ասել է Եվրահանձնաժողովի նախագահը:
Ավելի վաղ էներգետիկայի հարցերով եվրոպական կոմիսար Դան Յորգենսենը հայտարարել էր, որ ԵՄ երկրներն այլևս չպետք է գնեն ռուսական էներգապաշարների ոչ մի մոլեկուլ՝ անկախ հանգամանքներից։
